#Malkajgiri

సికింద్రాబాద్ కంటోన్మెంట్ పరిధిలోని బొల్లారం 20 బెటాలియన్ మద్రాస్ రెజిమెంట్ క్యాంప్‌లో జరిగిన ఆయుధాల చోరీ కేసులో పోలీసులు భారీ కుట్రను ఛేదించారు. బ్యాంకులు, జ్యువెలరీ షాపులు, సంపన్నుల ఇళ్లలో దోపిడీలకు ఈ ఆయుధాలను ఉపయోగించేందుకు పథకం రచించినట్లు దర్యాప్తులో తేలింది. కేసులో ముగ్గురు సర్వీసులో ఉన్న ఆర్మీ జవాన్లతో పాటు ఏడుగురిని పోలీసులు అరెస్ట్ చేశారు.

జీహెచ్‌ఎంసీ పునర్వ్యవస్థీకరణకు అనుగుణంగా తెలంగాణ ప్రభుత్వం పోలీసింగ్‌ వ్యవస్థలో కీలక మార్పులు చేసింది. హైదరాబాద్‌, సైబరాబాద్‌, మల్కాజిగిరి, ఫ్యూచర్‌సిటీ పోలీస్‌ కమిషనరేట్ల పరిధుల్లో కొత్త జోన్లు, డివిజన్లు ఏర్పాటు చేయడంతో పాటు పలు పోలీస్‌ స్టేషన్ల పరిధులను మార్చింది. కొన్ని స్టేషన్ల పేర్లను సవరించగా, మరికొన్ని ప్రాంతాలను ఇతర పోలీస్‌ స్టేషన్లలో విలీనం చేసింది.

బొల్లారంలోని మద్రాస్ రెజిమెంట్‌ ఆయుధాల చోరీ కేసులో కీలక పరిణామం చోటుచేసుకుంది. మాజీ హవల్దార్ ఉప్పుతోళ్ల మల్లేశ్ అలియాస్ రాజుకు మరో ఇద్దరు సహకరించినట్లు పోలీసులు గుర్తించారు. ఆయుధాగారం ఇన్‌ఛార్జ్‌లుగా ఉన్న వినోద్, శేషులను అదుపులోకి తీసుకుని విచారిస్తున్నారు. మల్లేశ్‌తో వినోద్‌కు ఆర్థిక లావాదేవీలు జరిగినట్లు దర్యాప్తులో తేలినట్లు పోలీసులు వెల్లడించారు.

గణేశ్‌ నిమజ్జనాన్ని దృష్టిలో పెట్టుకుని తెలంగాణ ప్రభుత్వం కీలక నిర్ణయం తీసుకుంది. హైదరాబాద్‌, సికింద్రాబాద్‌ జంట నగరాలతో పాటు రంగారెడ్డి, మేడ్చల్‌–మల్కాజిగిరి జిల్లాల పరిధిలో సెప్టెంబర్‌ 25న సెలవు ప్రకటించింది. ఈ మేరకు జీఏడీ ఉత్తర్వులు జారీ చేసింది. అయితే ఈ సెలవుకు బదులుగా నవంబర్‌ 14ను పనిదినంగా నిర్ణయించింది.

సికింద్రాబాద్ కంటోన్మెంట్‌లోని బొల్లారం 20 మద్రాస్ రెజిమెంట్ ఆయుధాగారం నుంచి ఆయుధాలు, మందుగుండు సామగ్రి చోరీ కేసులో అరెస్టులపై వస్తున్న వార్తలను తెలంగాణ పోలీసులు ఖండించారు. ఇప్పటివరకు ఎవరినీ అరెస్ట్ చేయలేదని మల్కాజిగిరి డీసీపీ శ్రీధర్ స్పష్టం చేశారు. మరోవైపు, రెజిమెంట్ సమీపంలో 160 ఎలక్ట్రికల్ డిటోనేటర్లు లభించడంతో దర్యాప్తు మరింత కీలకంగా మారింది.

ధరణి స్థానంలో తీసుకొచ్చిన భూభారతి విధానంపై బీజేపీ ఎంపీ ఈటల రాజేందర్ తీవ్ర విమర్శలు చేశారు. సెక్షన్ 22A కింద వందలాది కాలనీలను నిషేధిత జాబితాలో చేర్చడంతో పేదలు, మధ్యతరగతి ప్రజలు తమ ఇళ్లను విక్రయించలేక, బ్యాంకు రుణాలు పొందలేక ఇబ్బందులు పడుతున్నారని ఆరోపించారు. భూబాధితులకు మద్దతుగా సెప్టెంబర్ 5, 6 తేదీల్లో ఇందిరా పార్క్ వద్ద బీజేపీ దీక్ష చేపట్టనున్నట్లు ప్రకటించారు.

తెలంగాణలో కాంగ్రెస్ ప్రభుత్వం ఏర్పాటు చేసిన ఇందిరమ్మ కమిటీలపై మల్కాజ్‌గిరి ఎంపీ ఈటల రాజేందర్ తీవ్ర విమర్శలు చేశారు. కమిటీలను పార్టీ నాయకులకు కేటాయించుకోవడం సరికాదని, తెలంగాణ ఏ ఒక్కరి జాగీరు కాదని మండిపడ్డారు. కేసీఆర్ పాలనలో ఎలా ఉందో.. రేవంత్ రెడ్డి పాలన కూడా అలాగే ఉందని ఆరోపించారు.

మేడ్చల్‌–మల్కాజ్‌గిరి జిల్లాలో అక్రమంగా నిర్వహిస్తున్న పాన్‌మసాలా, పొగాకు తయారీ కేంద్రంపై సెంట్రల్‌ జీఎస్టీ (సీజీఎస్టీ) అధికారులు దాడులు నిర్వహించారు. ఈ తనిఖీల్లో రూ.76 లక్షల విలువైన సరుకును స్వాధీనం చేసుకుని, కీలక వ్యక్తిని అరెస్ట్ చేశారు.

తెలంగాణలో ఓటర్ల జాబితా ప్రత్యేక సమగ్ర సవరణ (SIR) ప్రక్రియలో హైదరాబాద్‌ కీలకంగా మారింది. రాష్ట్రవ్యాప్తంగా 73.3 లక్షల మంది ఓటర్లు ASDD (Absent, Shifted, Dead, Duplicate) కేటగిరీలో ఉండగా.. వారిలో ఏకంగా 43 లక్షల మంది హైదరాబాద్‌, మేడ్చల్‌-మల్కాజిగిరి, రంగారెడ్డి జిల్లాల్లోనే ఉన్నారు. ముఖ్యంగా శాశ్వతంగా ఇతర ప్రాంతాలకు తరలిపోయిన ఓటర్లే అత్యధికంగా ఉన్నట్లు గణాంకాలు వెల్లడిస్తున్నాయి.

మేడ్చల్–మల్కాజిగిరి జిల్లా దమ్మాయిగూడలోని శ్రీచైతన్య హైస్కూల్ హాస్టల్‌లో పదో తరగతి విద్యార్థిపై తోటి విద్యార్థులు దాడి చేసినట్లు ఆరోపణలు. ర్యాగింగ్ పేరుతో దాడి చేశారని తల్లిదండ్రులు ఫిర్యాదు చేయగా, స్కూల్ యాజమాన్యంపైనా చర్యలు తీసుకోవాలని డిమాండ్ చేస్తున్నారు.

సికింద్రాబాద్ నుంచి శామీర్‌పేట్ వరకు నిర్మించనున్న ప్రతిష్ఠాత్మక ఎలివేటెడ్ కారిడార్ ప్రాజెక్టులో భాగంగా భూములు ఇచ్చిన అల్వాల్ భూయజమానులకు రూ.33 కోట్ల పరిహార చెక్కులను జిల్లా యంత్రాంగం అందజేసింది. మొత్తం 2,264 చదరపు గజాల భూమిని ప్రాజెక్టు కోసం సేకరించగా, సంబంధిత భూయజమానులకు పరిహారం చెల్లించినట్లు అధికారులు తెలిపారు.

బోనాల పండుగకు ముందే దమ్మాయిగూడలోని పోచమ్మగుడి అప్రోచ్ రోడ్డుకు తాత్కాలిక మరమ్మతులు పూర్తి చేసి, అనంతరం శాశ్వతంగా సీసీ రోడ్డు నిర్మాణం చేపట్టాలని మల్కాజ్‌గిరి మున్సిపల్ కార్పొరేషన్ కమిషనర్ టి. వినయ్ కృష్ణారెడ్డి అధికారులను ఆదేశించారు.

పోలీస్ అధికారి కావాలన్న దివ్యాంగ యువకుడు రాహుల్ చిరకాల కోరికను మల్కాజ్‌గిరి పోలీసులు నెరవేర్చారు. మల్కాజ్‌గిరి పోలీస్ కమిషనర్ బి. సుమతి స్వయంగా రాహుల్‌ను కమిషనరేట్‌కు ఆహ్వానించి, తన కార్యాలయంలో కమిషనర్ కుర్చీలో కూర్చోబెట్టి పోలీస్ అధికారిగా బాధ్యతలు నిర్వహిస్తున్న అనుభూతిని కల్పించారు.

మూసాపేట–కూకట్‌పల్లి మధ్య ఉన్న సుమారు రూ.600 కోట్ల విలువైన ప్రభుత్వ భూమిని ఆక్రమణల నుంచి రక్షించాలని స్థానికులు హైడ్రా ప్రజావాణిలో ఫిర్యాదు చేశారు. సోమవారం నిర్వహించిన ప్రజావాణిలో మొత్తం 42 ఫిర్యాదులు అందగా, వాటిని హైడ్రా అదనపు కమిషనర్ డి. ఆనంద్ కుమార్ పరిశీలించి సంబంధిత అధికారులకు చర్యల కోసం పంపించారు.