ఢిల్లీ, జులై 29: నీట్-యూజీ 2026 పేపర్ లీక్‌కు నిరసనగా దేశవ్యాప్తంగా జరిగిన విద్యార్థుల ఆందోళనల సందర్భంగా అరెస్టయిన వారిపై సుప్రీంకోర్టు విచారణ చేపట్టింది. విచారణ సందర్భంగా... గతంలో ఎలాంటి క్రిమినల్ కేసులు లేని విద్యార్థులను వెంటనే విడుదల చేయాలని రాష్ట్రాలకు ఆదేశించింది. అయితే... ఇప్పటికే నేర చరిత్ర ఉన్న వారిపై ఈ ఆదేశం వర్తించదని కోర్టు స్పష్టం చేసింది. అలాగే... విద్యార్థులపై ప్రస్తుతం ఎలాంటి బలవంతపు చర్యలు తీసుకోవద్దని కూడా రాష్ట్ర ప్రభుత్వాలను ఆదేశించింది. పోలీసులు అవసరమైతే ఎఫ్‌ఐఆర్ నమోదు చేయవచ్చని... కానీ తదుపరి ఆదేశాలు వచ్చే వరకు కఠిన చర్యలకు వెళ్లొద్దని తెలిపింది.
విద్యార్థులపై పోలీసులు అతిగా బలప్రయోగం చేశారన్న ఆరోపణలపై స్వతంత్ర విచారణ జరపాలని సుప్రీంకోర్టు నిర్ణయించింది.
ఈ నేపథ్యంలో... సీసీటీవీ ఫుటేజ్, డ్రోన్ వీడియోలు, బాడీ కెమెరా రికార్డులు,పోలీస్ కంట్రోల్ రూమ్ రికార్డులు అన్నింటినీ భద్రపరచాలని రాష్ట్రాలకు ఆదేశించింది. అలాగే నిరసనల్లో పాల్గొన్న విద్యార్థుల వ్యక్తిగత వివరాలు, డిజిటల్ డేటాను బహిరంగంగా విడుదల చేయకూడదని కూడా స్పష్టం చేసింది.
తదుపరి విచారణ ఎప్పుడు?
ఈ కేసు తదుపరి విచారణను ఆగస్టు 3కు వాయిదా వేసిన సుప్రీంకోర్టు... ఆ రోజు సంబంధిత రాష్ట్రాల ప్రభుత్వ ప్రధాన కార్యదర్శులు, డీజీపీలను హాజరు కావాలని ఆదేశించింది. మొత్తానికి... విద్యార్థుల హక్కుల పరిరక్షణతో పాటు చట్ట ప్రక్రియ కూడా కొనసాగాలని సుప్రీంకోర్టు స్పష్టం చేసింది.
