హైదరాబాద్ August 25(జనవాణి): పాలిటెక్నిక్ విద్యార్థుల న్యాయమైన పోరాటానికి తన సంపూర్ణ మద్దతు ఉంటుందని హరీశ్‌రావు తెలిపారు. పూర్వ విద్యార్థిగా వారి సమస్యను అర్థం చేసుకుంటున్నానని, విద్యార్థుల భవిష్యత్తుకు సంబంధించిన అంశంలో ప్రభుత్వం సానుకూలంగా స్పందించాలని కోరారు.
జీఓ నంబర్‌ 97ను వెంటనే రద్దు చేయాలని హరీశ్‌రావు డిమాండ్ చేశారు. ఈ జీవో వల్ల విద్యార్థుల భవిష్యత్తు దెబ్బతినే పరిస్థితి ఉంటే ప్రభుత్వం తన నిర్ణయాన్ని పునఃపరిశీలించి తక్షణమే వెనక్కి తీసుకోవాలని అన్నారు.
విద్యార్థుల తరఫున ప్రభుత్వాన్ని నిలదీస్తాం
పాలిటెక్నిక్ విద్యార్థుల సమస్యలపై వారి తరఫున ప్రభుత్వాన్ని నిలదీస్తామని హరీశ్‌రావు స్పష్టం చేశారు. విద్యార్థులు చేస్తున్న న్యాయమైన పోరాటానికి అండగా నిలబడతామని పేర్కొన్నారు.
విద్యార్థుల భవిష్యత్తును దృష్టిలో ఉంచుకుని ప్రభుత్వం వారి డిమాండ్లను పరిగణనలోకి తీసుకోవాలని, ఆందోళనకు కారణమైన అంశాలపై స్పష్టత ఇవ్వాలని హరీశ్‌రావు కోరారు.
