#Harish Rao

తెలంగాణ అసెంబ్లీలో కల్వకుంట్ల కుటుంబానికి చెందిన భూములపై సీఎం రేవంత్ రెడ్డి చేసిన వ్యాఖ్యలకు టీఆర్ఎస్ అధ్యక్షురాలు కల్వకుంట్ల కవిత స్పందించారు. తన ఎన్నికల అఫిడవిట్‌లో పేర్కొన్న ఆస్తుల కంటే ఒక్క గజం భూమి ఎక్కువగా ఉన్నా ప్రభుత్వానికి సరెండర్ చేస్తానని స్పష్టం చేశారు.

తెలంగాణ అసెంబ్లీ వేదికగా మాజీ సీఎం కేసీఆర్, కల్వకుంట్ల కుటుంబంపై సీఎం రేవంత్ రెడ్డి తీవ్ర ఆరోపణలు చేశారు. తెలంగాణ ఉద్యమం, ధరణిని అడ్డుపెట్టుకుని భూముల వ్యవహారాల్లో అక్రమాలకు పాల్పడ్డారని ఆరోపించారు. కేసీఆర్ కుటుంబ సభ్యుల పేర్లపై ఉన్నట్లు పేర్కొన్న భూముల వివరాలను సభలో వెల్లడించారు. ఎర్రవెల్లిలోని కేసీఆర్ ఫాంహౌస్ భూములపై 30 రోజుల్లో విచారణ పూర్తి చేసి నివేదిక ఇవ్వాలని అధికారులను ఆదేశించారు.

తెలంగాణ అసెంబ్లీ వద్ద విధుల్లో ఉన్న మహిళా పోలీసులతో దురుసుగా ప్రవర్తించారన్న ఆరోపణలపై బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి టి. హరీశ్‌రావు సహా నలుగురు నేతలపై సైఫాబాద్ పోలీసులు కేసు నమోదు చేశారు. ఓ మహిళా కానిస్టేబుల్ ఇచ్చిన ఫిర్యాదు మేరకు ఎఫ్‌ఐఆర్ నమోదు చేసి దర్యాప్తు చేపట్టారు.

తెలంగాణ అసెంబ్లీ సమావేశాల్లో అధికార కాంగ్రెస్, బీఆర్‌ఎస్ మధ్య మాటల యుద్ధం మరింత ముదిరింది. ముఖ్యమంత్రి రేవంత్ రెడ్డి అసెంబ్లీలో ‘సంధ్యారావు’ పేరుతో ఉన్న ఎక్స్ అకౌంట్ పోస్టును ప్రస్తావించడంపై మాజీ మంత్రి హరీశ్ రావు తీవ్రంగా స్పందించారు. అసలు బీఆర్‌ఎస్‌లో సంధ్యారావు అనే వ్యక్తి లేరని, ‘అంతర్జాతీయ బీఆర్‌ఎస్ ప్రధాన కార్యదర్శి’ అనే పదవే లేదని ఆయన స్పష్టం చేశారు. కాంగ్రెస్ పార్టీనే ఫేక్ అకౌంట్ సృష్టించిందని ఆరోపించిన హరీశ్ రావు.. దీనిపై విచారణ జరిపించాలని, లేకపోతే సభా హక్కుల ఉల్లంఘన నోటీసులు ఇస్తామని హెచ్చరించారు.

తెలంగాణ అసెంబ్లీ సమావేశాల మూడో రోజు తీవ్ర ఉద్రిక్తత నెలకొంది. సభలో నిరసనకు దిగిన 20 మంది బీఆర్ఎస్ ఎమ్మెల్యేలను స్పీకర్ ఈ సెషన్‌ మొత్తం సస్పెండ్ చేశారు. కేటీఆర్‌, హరీష్‌రావు, జగదీష్‌రెడ్డి, తలసాని శ్రీనివాస్ యాదవ్, సబితా ఇంద్రారెడ్డి తదితరులు సస్పెన్షన్‌కు గురయ్యారు.

శాసనసభ వద్ద సోమవారం బీఆర్‌ఎస్‌ ఎమ్మెల్యేలు, ఎమ్మెల్సీలు నిర్వహించిన నిరసన ఉద్రిక్తతకు దారితీసింది. పోలీసుల ఫిర్యాదుల ఆధారంగా కేటీఆర్‌, హరీశ్‌రావు సహా పలువురు బీఆర్‌ఎస్‌ నేతలపై మూడు ఎఫ్‌ఐఆర్‌లు నమోదయ్యాయి. భద్రతా సిబ్బందిపై దాడి, మహిళా పోలీసులతో దురుసుగా ప్రవర్తించడం, బెదిరింపులు, స్పీకర్‌ను దూషించడం వంటి ఆరోపణలు కేసుల్లో నమోదయ్యాయి.

తెలంగాణలో శాంతిభద్రతలు పూర్తిగా గాడి తప్పాయని బీఆర్ఎస్ డిప్యూటీ ఫ్లోర్ లీడర్, మాజీ మంత్రి హరీశ్ రావు ఆరోపించారు. రాష్ట్రంలో పరిస్థితిని కేంద్రం, గవర్నర్ జోక్యం చేసుకుని రాష్ట్రపతి పాలన విధించాలని డిమాండ్ చేశారు. ముఖ్యమంత్రి రేవంత్ రెడ్డిపై తీవ్రస్థాయిలో విమర్శలు గుప్పించిన ఆయన.. కేసీఆర్ ఇంటిపై దాడి, మహిళా ఎమ్మెల్యేలపై దాడులు, ప్రజా సమస్యలపై అసెంబ్లీలో చర్చకు అవకాశం ఇవ్వకపోవడంపై మండిపడ్డారు.

హైదరాబాద్‌లోని బోయిన్‌పల్లి పోలీస్‌స్టేషన్‌ మంగళవారం రణరంగంగా మారింది. బీఆర్ఎస్, కాంగ్రెస్ కార్యకర్తలు పోలీస్‌స్టేషన్‌ ఎదుటే రాళ్లు, కర్రలు, కుర్చీలతో పరస్పరం దాడులకు దిగడంతో తీవ్ర ఉద్రిక్తత నెలకొంది. ఈ ఘటనలో పలువురు కాంగ్రెస్ కార్యకర్తలు గాయపడగా, ఓ మహిళా కార్యకర్తపై కూడా దాడి జరిగినట్లు సమాచారం.

గజ్వేల్ నియోజకవర్గంలోని మాజీ సీఎం కేసీఆర్ ఎర్రవెల్లి ఫాంహౌస్ వద్ద ఉద్రిక్త పరిస్థితులు నెలకొన్నాయి. వెయ్యి డప్పులతో ఫాంహౌస్ ముట్టడికి కాంగ్రెస్ శ్రేణులు పిలుపునివ్వడంతో పోలీసులు భారీ బందోబస్తు ఏర్పాటు చేశారు. మరోవైపు కేసీఆర్‌పై కాంగ్రెస్ ఎమ్మెల్యే చేసిన వ్యాఖ్యలను నిరసిస్తూ కేటీఆర్, హరీశ్‌రావు ఆధ్వర్యంలో బీఆర్‌ఎస్ ఎమ్మెల్యేలు ఫాంహౌస్‌కు బయలుదేరడంతో రాజకీయ ఉత్కంఠ మరింత పెరిగింది.

తెలంగాణ అసెంబ్లీలో స్పీకర్ గడ్డం ప్రసాద్ కుమార్, మాజీ మంత్రి హరీశ్ రావు మధ్య తీవ్ర వాగ్వాదం చోటుచేసుకుంది. బీఆర్‌ఎస్ ఎమ్మెల్సీ తాతా మధు చేసిన వ్యాఖ్యలపై స్పీకర్ తీవ్ర ఆగ్రహం వ్యక్తం చేస్తూ.. హరీశ్ రావు తీరుపై మండిపడ్డారు. ‘నా తల్లిని అన్నారు.. నీ తల్లిని అనలేదు’ అంటూ ఘాటు వ్యాఖ్యలు చేశారు.

తెలంగాణలో కాంగ్రెస్ ప్రభుత్వం 1000 రోజుల పాలనపై బీఆర్ఎస్ చేపట్టిన ఆందోళనలు ఉద్రిక్తతకు దారితీశాయి. అసెంబ్లీ వద్ద నిరసన సందర్భంగా పోలీసులతో ఘర్షణ చోటుచేసుకోగా.. స్పీకర్ గడ్డం ప్రసాద్ కుమార్‌పై వ్యాఖ్యలు చేసిన బీఆర్ఎస్ ఎమ్మెల్సీలు తాతా మధు, నవీన్ కుమార్ రెడ్డిని పోలీసులు అరెస్ట్ చేశారు. వీరిపై ఎస్సీ, ఎస్టీ అట్రాసిటీ చట్టంతో పాటు బీఎన్‌ఎస్ సెక్షన్ల కింద కేసులు నమోదయ్యాయి.

తెలంగాణ అసెంబ్లీ స్పీకర్ గడ్డం ప్రసాద్ కుమార్‌పై బీఆర్ఎస్ ఎమ్మెల్సీ తాతా మధు చేసిన అనుచిత వ్యాఖ్యలు రాజకీయ దుమారం రేపుతున్నాయి. తాతా మధుపై కఠిన చర్యలు తీసుకోవాలని మంత్రులు పొన్నం ప్రభాకర్, సీతక్క డిమాండ్ చేశారు. ఆయనను బీఆర్ఎస్ నుంచి సస్పెండ్ చేయడంతో పాటు శాసనమండలి సభ్యత్వాన్ని రద్దు చేయాలని కోరారు.

తెలంగాణ అసెంబ్లీ వద్ద బీఆర్ఎస్ ఎమ్మెల్యేలు, ఎమ్మెల్సీలను పోలీసులు అడ్డుకోవడంపై ఖైరతాబాద్ జోన్ డీసీపీ శిల్పవల్లి స్పందించారు. నల్ల టీషర్టులపై అసభ్యకర పదాలు, ప్రభుత్వ వ్యతిరేక నినాదాలు ఉండటంతోనే వారిని అసెంబ్లీలోకి అనుమతించలేదని తెలిపారు. ఎమ్మెల్యే సునీతా లక్ష్మారెడ్డి చీరను పోలీసులు లాగారన్న ఆరోపణల్లో వాస్తవం లేదని స్పష్టం చేశారు.

తెలంగాణ అసెంబ్లీ వర్షాకాల సమావేశాల ప్రారంభం రోజే అసెంబ్లీ ప్రధాన ద్వారం వద్ద తీవ్ర ఉద్రిక్తత నెలకొంది. నల్ల దుస్తులతో వచ్చిన బీఆర్‌ఎస్‌ ఎమ్మెల్యేలు, ఎమ్మెల్సీలను పోలీసులు అడ్డుకోవడంతో వాగ్వాదం, తోపులాట చోటుచేసుకుంది. బనియన్‌తో అసెంబ్లీలోకి వెళ్లేందుకు ప్రయత్నించిన మాజీ మంత్రి హరీశ్‌రావును పోలీసులు అదుపులోకి తీసుకోగా, కేటీఆర్‌తో పాటు పలువురు బీఆర్‌ఎస్‌ నేతలను కూడా అరెస్ట్ చేశారు.

కాంగ్రెస్‌లో ఎలాంటి వర్గపోరు లేదని తెలంగాణ మంత్రి వివేక్ వెంకటస్వామి స్పష్టం చేశారు. నేతలంతా పార్టీ బలోపేతం, రాష్ట్ర అభివృద్ధి కోసమే పనిచేస్తున్నారని తెలిపారు. మంచిర్యాలలో పర్యటించిన మంత్రి.. 22ఏ భూముల సమస్య, కాంగ్రెస్ ప్రభుత్వ అభివృద్ధి కార్యక్రమాలు, కాళేశ్వరం ప్రాజెక్టుపై కీలక వ్యాఖ్యలు చేశారు.

కాంగ్రెస్‌ ప్రభుత్వం 1000 రోజుల పాలనపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ తీవ్రస్థాయిలో విమర్శలు గుప్పించారు. మాజీ మంత్రి హరీశ్‌రావుతో కలిసి తెలంగాణ భవన్‌లో సీఎం రేవంత్‌రెడ్డి ప్రభుత్వంపై ‘ఛార్జ్‌షీట్‌’ను విడుదల చేశారు.

సిద్దిపేట శ్రీకృప ఫార్మాస్యూటికల్ సైన్సెస్ కాలేజీకి చెందిన బి.ఫార్మసీ విద్యార్థులు ఫీజు రీయింబర్స్‌మెంట్ బకాయిల కారణంగా ఒరిజినల్ సర్టిఫికెట్లు అందక తీవ్ర ఇబ్బందులు ఎదుర్కొంటున్నారు. ఎం.ఫార్మసీ కౌన్సిలింగ్‌కు గడువు సమీపిస్తున్న నేపథ్యంలో సీట్లు కోల్పోయే పరిస్థితి నెలకొందని విద్యార్థులు ఆవేదన వ్యక్తం చేశారు. ఈ అంశంపై బీఆర్ఎస్ నేత హరీశ్ రావు స్పందిస్తూ కాంగ్రెస్ ప్రభుత్వంపై తీవ్ర విమర్శలు చేశారు.

పాలిటెక్నిక్ విద్యార్థుల ఆందోళనలకు మద్దతుగా వరంగల్ పర్యటనకు సిద్ధమైన బీఆర్ఎస్ ఎల్పీ ఉపనేత, మాజీ మంత్రి హరీశ్ రావును పోలీసులు హౌస్ అరెస్ట్ చేశారు. కోకాపేటలోని ఆయన నివాసం వద్ద భారీగా పోలీసులను మోహరించి బయటకు వెళ్లకుండా అడ్డుకున్నారు.

జీవో 97ను రద్దు చేయాలని డిమాండ్ చేస్తూ మాసబ్ ట్యాంక్ ప్రభుత్వ పాలిటెక్నిక్ కళాశాలలో ఆందోళన చేస్తున్న విద్యార్థులకు బీఆర్ఎస్ ఎమ్మెల్యే, మాజీ మంత్రి హరీశ్‌రావు సంఘీభావం తెలిపారు. పాలిటెక్నిక్ కళాశాలలను స్కిల్ యూనివర్సిటీలో విలీనం చేయడం వల్ల విద్యార్థుల భవిష్యత్తు దెబ్బతింటుందని ఆయన ఆరోపించారు. సెప్టెంబర్ 7న అసెంబ్లీ సమావేశాలు ప్రారంభమయ్యేలోపు జీవో 97ను రద్దు చేయాలని డిమాండ్ చేశారు.

పాలిటెక్నిక్ విద్యార్థులు చేస్తున్న ఆందోళనకు బీఆర్‌ఎస్‌ నేత, మాజీ మంత్రి హరీశ్‌రావు మద్దతు ప్రకటించారు. విద్యార్థుల ఆవేదన చూస్తే గుండె తరుక్కుపోతోందని పేర్కొన్న ఆయన.. ప్రభుత్వం తీసుకొచ్చిన జీఓ నంబర్‌ 97ను వెంటనే రద్దు చేయాలని డిమాండ్ చేశారు. విద్యార్థుల భవిష్యత్తును దెబ్బతీసే నిర్ణయాలను ప్రభుత్వం తక్షణమే వెనక్కి తీసుకోవాలని కోరారు.

సనత్‌నగర్ TIMS ఆసుపత్రి సందర్శనకు సిద్ధమైన మాజీ మంత్రులు హరీష్ రావు, సబితా ఇంద్రారెడ్డి, తలసాని శ్రీనివాస్ యాదవ్‌లను హౌస్ అరెస్ట్ చేయడంపై బీఆర్ఎస్ ఆగ్రహం వ్యక్తం చేసింది.

తెలంగాణలో 22ఏ నిషేధిత భూముల జాబితా వ్యవహారం రాజకీయంగా వేడెక్కింది. మాజీ మంత్రి, బీఆర్‌ఎస్‌ ఎమ్మెల్యే హరీశ్‌రావు రాష్ట్ర ప్రభుత్వంపై తీవ్ర ఆరోపణలు చేశారు. ముఖ్యమంత్రి రేవంత్‌రెడ్డి ఇల్లు కూడా 22ఏ నిషేధిత జాబితాలో ఉందని ఆయన ఆరోపించారు. ఈ వ్యవహారంపై సమగ్ర విచారణ జరిపి, నిషేధిత జాబితాలో ఉన్న ఆస్తుల వివరాలతో శ్వేతపత్రం విడుదల చేయాలని డిమాండ్ చేశారు.

కేంద్ర ప్రభుత్వం ఇప్పటికే అన్ని చట్టబద్ధమైన అనుమతులు, సాంకేతిక క్లియరెన్స్‌లు ఇచ్చిన తెలంగాణకు చెందిన ఏడు సాగునీటి ప్రాజెక్టులను మళ్లీ సమీక్షించాలనే అంశాన్ని జీఆర్ఎంబీ 18వ సమావేశం ఎజెండాలో చేర్చడాన్ని హరీశ్‌రావు తీవ్రంగా వ్యతిరేకించారు.

తెలంగాణ నీటి హక్కుల విషయంలో రాష్ట్ర ప్రభుత్వం ఎలాంటి రాజీ పడబోదని నీటిపారుదల శాఖ మంత్రి ఎన్. ఉత్తమ్ కుమార్ రెడ్డి స్పష్టం చేశారు. బీఆర్‌ఎస్ హయాంలో రాష్ట్ర ప్రయోజనాలను పట్టించుకోకుండా ఇప్పుడు అసత్య ప్రచారాలు చేస్తున్నారని మాజీ మంత్రి హరీశ్ రావుపై తీవ్ర స్థాయిలో విమర్శలు గుప్పించారు. ముందుగా కాళేశ్వరం ప్రాజెక్టులో ముడుపుల ఆరోపణలపై సమాధానం చెప్పాలని డిమాండ్ చేశారు.

మాజీ మంత్రి హరీశ్ రావు, బీఆర్ఎస్ రాష్ట్ర ప్రధాన కార్యదర్శి డాక్టర్ ఆర్ఎస్ ప్రవీణ్ కుమార్‌లపై కాంగ్రెస్ నేతలు చేస్తున్న వ్యాఖ్యలను బీఆర్ఎస్ నేతలు తీవ్రంగా ఖండించారు. తెలంగాణ భవన్‌లో నిర్వహించిన మీడియా సమావేశంలో మాజీ ఎమ్మెల్యే చిరుమర్తి లింగయ్య, మాజీ కార్పొరేషన్ చైర్మన్ డాక్టర్ ఎర్రోళ్ల శ్రీనివాస్ కాంగ్రెస్ ప్రభుత్వంపై, ఆ పార్టీ నేతల వ్యాఖ్యలపై తీవ్ర విమర్శలు చేశారు.

టీపీసీసీ అధ్యక్షుడు, ఎమ్మెల్సీ మహేష్ కుమార్ గౌడ్ మాజీ మంత్రి హరీశ్ రావుపై మరోసారి విమర్శలు గుప్పించారు. హరీశ్ రావు క్షుద్రపూజలు చేశారనే సమాచారం ఉందని తాము చెప్పినందుకే తనతో పాటు కాంగ్రెస్ నాయకులకు లీగల్ నోటీసులు పంపారని అన్నారు. నోటీసులతో భయపడే ప్రసక్తే లేదని స్పష్టం చేస్తూ, క్షుద్రపూజలకు ప్రసిద్ధి చెందిన దేవాలయాలను ఎందుకు సందర్శించారో హరీశ్ రావు ప్రజలకు వివరణ ఇవ్వాలని డిమాండ్ చేశారు.

ఆగస్టు 18 GRMB భేటీకి ముందు హరీశ్ రావు కీలక ఆరోపణలు చేశారు. తెలంగాణ ప్రాజెక్టులు, సమ్మక్క సాగర్, 968 టీఎంసీల జల హక్కులపై ప్రభుత్వాన్ని ప్రశ్నించారు.

హరీశ్ రావుపై ‘క్షుద్రపూజల’ ఆరోపణలను ఆర్ఎస్ ప్రవీణ్ కుమార్ ఖండించారు. కాంగ్రెస్ అశాస్త్రీయ భావాలను ప్రోత్సహిస్తోందని ఆరోపిస్తూ రేవంత్, రాహుల్‌పై ప్రశ్నలు సంధించారు.

బీఆర్ఎస్ మాజీ మంత్రి, సిద్దిపేట ఎమ్మెల్యే హరీశ్ రావుపై టీపీసీసీ అధ్యక్షుడు మహేశ్ కుమార్ గౌడ్ సంచలన ఆరోపణలు చేశారు. హరీశ్ రావు క్షుద్ర పూజలు చేశారని, అందుకు తమ వద్ద ఆధారాలు ఉన్నాయని పేర్కొంటూ పలు ప్రశ్నలు లేవనెత్తారు.

మాజీ మంత్రి హరీశ్ రావు కాంగ్రెస్ నేతలు అద్దంకి దయాకర్, సామా రామ్మోహన్ రెడ్డికి లీగల్ నోటీసులు పంపించారు. తనపై చేసిన వ్యాఖ్యలు నిరాధారమని పేర్కొంటూ వాటిని ఉపసంహరించుకుని బహిరంగ క్షమాపణ చెప్పాలని డిమాండ్ చేశారు. లేనిపక్షంలో సివిల్, క్రిమినల్ పరువు నష్టం కేసులు వేస్తామని హెచ్చరించారు.