ఢిల్లీ, జులై 29: నీట్-యూజీ ప్రశ్నపత్రం లీక్ ఘటన దేశవ్యాప్తంగా తీవ్ర ఆందోళనకు దారితీసిన విషయం తెలిసిందే. విద్యార్థుల నిరసనలు, పరీక్షల పారదర్శకతపై వచ్చిన విమర్శల నేపథ్యంలో కేంద్ర ప్రభుత్వం ఇప్పటికే అమల్లో ఉన్న 2024 చట్టాన్ని మరింత కఠినతరం చేస్తూ ఈ సవరణ బిల్లును తీసుకొచ్చింది.
ఈ బిల్లుపై చర్చ అనంతరం ప్రతిపక్ష సభ్యుల నినాదాల మధ్య వాయిస్ ఓట్ ద్వారా లోక్‌సభ ఆమోదం తెలిపింది.
కొత్త బిల్లులో కీలక మార్పులు ఇవే...
పేపర్ లీక్ కేసుల దర్యాప్తు రెండు నెలల్లోపు పూర్తి చేయాల్సి ఉంటుంది.
ప్రస్తుతం ఉన్న 5 ఏళ్ల జైలు శిక్షను 10 ఏళ్లకు పెంచారు.
నిందితులపై రూ.50 లక్షల వరకు జరిమానా విధించే అవకాశం కల్పించారు.
సంఘటితంగా పేపర్ లీక్‌లకు పాల్పడే ముఠాలపై రూ.10 కోట్ల వరకు జరిమానా విధించే నిబంధనను చేర్చారు.
కేసుల వేగవంతమైన విచారణ కోసం ప్రత్యేక ఫాస్ట్‌ట్రాక్ కోర్టులు ఏర్పాటు చేసి, మూడు నెలల్లో విచారణ పూర్తి చేయాలని లక్ష్యంగా పెట్టుకున్నారు.
ఈ చర్యలతో పరీక్షల్లో అక్రమాలను అరికట్టి, నిజాయితీగా పరీక్షలు రాసే విద్యార్థుల ప్రయోజనాలను కాపాడాలన్నదే ప్రభుత్వ ఉద్దేశమని కేంద్రం తెలిపింది.
బిల్లుపై చర్చ సందర్భంగా ప్రతిపక్ష నేత Rahul Gandhi నీట్ పరీక్షలో జరిగిన అక్రమాలపై స్పందిస్తూ విద్యార్థుల నిరసనలకు మద్దతు తెలిపారు. తన ప్రసంగంలో ఉపయోగించిన కొన్ని వ్యాఖ్యలపై అధికార పక్ష సభ్యులు తీవ్ర అభ్యంతరం వ్యక్తం చేశారు.
అలాగే విద్యార్థులపై జరిగిన పోలీసు చర్యలకు Amit Shah బాధ్యత వహించాలని రాహుల్ గాంధీ చేసిన వ్యాఖ్యలపై బీజేపీ సభ్యులు తీవ్రంగా స్పందించారు. దీంతో లోక్‌సభలో కొంతసేపు ఉద్రిక్త పరిస్థితులు నెలకొన్నాయి.
మొత్తానికి, పరీక్షల్లో పేపర్ లీక్‌లు, మాస్ కాపీయింగ్ వంటి అక్రమాలపై కేంద్ర ప్రభుత్వం మరింత కఠిన వైఖరి అవలంబిస్తోంది. ఈ బిల్లు రాజ్యసభ ఆమోదం పొందిన తర్వాత, రాష్ట్రపతి ఆమోదంతో చట్టంగా అమల్లోకి రానుంది.
ఈ బిల్లుపై మీ అభిప్రాయం ఏమిటి? కామెంట్ రూపంలో తెలియజేయండి. ఇలాంటి తాజా అప్డేట్స్ కోసం మా website (https://janavaani.com) follw అవ్వండి.
