Andhra-development విభాగానికి సంబంధించిన తాజా వార్తలు మరియు కథనాలు.
రాయలసీమ అభివృద్ధిలో భాగంగా అన్నమయ్య జిల్లా మదనపల్లెలో గ్లోబల్ హార్టికల్చర్ హబ్, ఇండియన్ స్కూల్ ఆఫ్ అగ్రికల్చర్‌కు శంకుస్థాపన జరిగింది. ఈ కార్యక్రమంలో రిలయన్స్ ఇండస్ట్రీస్ ఎగ్జిక్యూటివ్ డైరెక్టర్ అనంత్ అంబానీ మాట్లాడుతూ.. “నన్ను ఆంధ్ర బిడ్డగా భావించండి. రాష్ట్రానికి నేనేం చేయగలనో గైడ్ చేయాలి” అంటూ సీఎం చంద్రబాబును కోరారు.
కూటమి ప్రభుత్వం ఏర్పడిన తర్వాత 28వసారి సామాజిక భద్రతా పెన్షన్లను పంపిణీ చేస్తున్నామని ఆంధ్రప్రదేశ్ ముఖ్యమంత్రి చంద్రబాబు నాయుడు తెలిపారు. గురువారం నిర్వహించిన ‘పేదల సేవలో’ కార్యక్రమంలో పాల్గొన్న ఆయన ప్రభుత్వం అంటే ప్రజల మధ్య ఉండే వ్యవస్థ అని, పేదలకు సేవ చేయడమే తన బాధ్యత అని పేర్కొన్నారు. ఇప్పటివరకు పెన్షన్ల రూపంలో రూ.76 వేల కోట్లు అందించినట్లు వెల్లడించారు.
ఆంధ్రప్రదేశ్‌లో నిత్యావసర సరుకుల ధరలను నియంత్రించేందుకు ప్రభుత్వం కీలక చర్యలకు సిద్ధమవుతోంది. రైతు బజార్లు, రేషన్ డిపోల ద్వారా దాదాపు 60 రకాల నిత్యావసర సరుకులు అందుబాటులోకి తీసుకురావాలని సీఎం చంద్రబాబు నాయుడు అధికారులను ఆదేశించారు. ఉల్లి, కంది పప్పు, పామాయిల్ వంటి సరుకులను త్వరలో ఈ వ్యవస్థల ద్వారా సరఫరా చేయాలని సూచించారు.
మూడు దశాబ్దాలుగా ఎదురుచూస్తున్న వెలిగొండ ప్రాజెక్టు కల సాకారమైంది. ముఖ్యమంత్రి చంద్రబాబు నాయుడు సోమవారం వెలిగొండ ప్రాజెక్టు తొలి దశను జాతికి అంకితం చేశారు. నల్లమల కొండల్లోని జంట సొరంగాల నుంచి వెలువడిన కృష్ణా జలాలకు జలహారతి ఇచ్చి స్వాగతించిన సీఎం.. అనంతరం నల్లమల సాగర్‌కు నీటిని విడుదల చేశారు. తొలి దశలో 10.70 టీఎంసీల కృష్ణా జలాలను తరలించి 1.19 లక్షల ఎకరాలకు సాగునీరు, 4 లక్షల మందికి తాగునీరు అందించనున్నట్లు తెలిపారు.
కరువు సీమగా పేరొందిన అనంతపురం జిల్లాకు భారీ పెట్టుబడులు తరలివస్తున్నాయి. పవన విద్యుత్ రంగంలో ప్రముఖ సంస్థ సుజ్లాన్ ఆంధ్రప్రదేశ్‌లో తన కార్యకలాపాలను మరింత విస్తరించేందుకు రూ.10 వేల కోట్ల పెట్టుబడులు పెట్టనుంది. రాయదుర్గం నియోజకవర్గంలో చేపట్టనున్న 1,325 మెగావాట్ల విండ్ ప్రాజెక్టులతో ప్రత్యక్షంగా, పరోక్షంగా సుమారు 4 వేల మందికి ఉపాధి.
జనసేన ఎమ్మెల్సీ నాగబాబును ఏపీ-గ్రీన్ ఎగ్జిక్యూటివ్ కమిటీ చైర్‌పర్సన్‌గా ఏపీ ప్రభుత్వం నియమించింది. ఆయనకు కేబినెట్ ర్యాంక్ హోదా కల్పించింది.
కాకినాడ పోలీస్ పరేడ్ గ్రౌండ్‌లో 80వ స్వాతంత్ర్య దినోత్సవ వేడుకలు ఘనంగా నిర్వహించారు. ముఖ్య అతిథిగా హాజరైన ఏపీ డిప్యూటీ సీఎం పవన్ కల్యాణ్ జాతీయ జెండాను ఆవిష్కరించి పోలీసు దళాల గౌరవ వందనం స్వీకరించారు. సంక్షేమంతో ప్రజలకు భరోసా కల్పిస్తూ, అభివృద్ధితో రాష్ట్ర భవిష్యత్‌కు బాటలు వేస్తున్నామని ఆయన తెలిపారు.
అమరావతి రాజధాని అభివృద్ధిలో కీలకమైన సీడ్ యాక్సెస్ రోడ్ ఈ-3 రెండో దశను సీఎం చంద్రబాబు నాయుడు ప్రారంభించారు. రూ.1,519 కోట్లతో నిర్మించిన ఈ 21.77 కిలోమీటర్ల కారిడార్ రాజధాని రవాణా వ్యవస్థకు వెన్నెముకగా నిలవనుంది. ఈ సందర్భంగా రాజధాని కోసం భూములు ఇచ్చిన రైతుల త్యాగాలను సీఎం కొనియాడుతూ వారికి పాదాభివందనం చేస్తున్నట్లు సీఎం చంద్రబాబు నాయుడు తెలిపారు.
ఏపీలో రూ.2,08,406 కోట్ల విలువైన 25 పారిశ్రామిక ప్రాజెక్టులకు ఎస్ఐపీబీ ఆమోదం తెలిపింది. వీటి ద్వారా 21,627 మందికి ఉద్యోగాలు రానున్నాయి. గ్రీన్ అమ్మోనియా, లిథియం బ్యాటరీలు, డేటా సెంటర్లు, రోబోటిక్స్‌ రంగాలపై ప్రభుత్వం దృష్టి సారించింది.
ఏపీ ఆర్థిక వృద్ధిపై సీఎం చంద్రబాబు చెబుతున్న లెక్కలు వాస్తవాలకు భిన్నంగా ఉన్నాయని పీసీసీ అధ్యక్షురాలు వైఎస్‌ షర్మిల విమర్శించారు. రాష్ట్రంలో రైతులు, నిరుద్యోగులు, సామాన్యుల పరిస్థితిని ప్రశ్నిస్తూ ప్రభుత్వంపై తీవ్ర ఆరోపణలు చేశారు.
నంద్యాల పార్లమెంట్‌ పరిధిలో రోడ్డు భద్రత, రవాణా సౌకర్యాల మెరుగుదలకు ఎంపీ బైరెడ్డి శబరి కేంద్ర మంత్రి నితిన్‌ గడ్కరీని కలిశారు. అండర్‌పాస్‌లు, ఫుట్‌ఓవర్‌ బ్రిడ్జి, బస్‌ షెల్టర్లు, రహదారుల DPRలను కోరారు.
ఆంధ్రప్రదేశ్ ను స్వర్ణాంధ్ర ప్రదేశ్ గా తీర్చిదిద్దే లక్ష్యంతో డబుల్ ఇంజన్ స్పీడుతో ముందుకు సాగుతున్నామని ముఖ్యమంత్రి చంద్రబాబు నాయుడు అన్నారు. రాష్ట్రంలో రౌడీయిజం, గంజాయి బ్యాచ్‌లను పూర్తిగా అణిచివేస్తామని హెచ్చరించారు.
అమరావతి నిర్మాణ పనులకు సంబంధించి ఏపీ సీఎం చంద్రబాబు నాయుడు కీలక ప్రకటన చేశారు. ఆగస్టు నెలలోనే సీడ్ యాక్సెస్ రోడ్డు, ఎమ్మెల్యే-ఎమ్మెల్సీ క్వార్టర్స్‌ను ప్రారంభించి అందుబాటులోకి తీసుకురానున్నట్లు తెలిపారు.
ఆంధ్రప్రదేశ్ రాష్ట్రంలోని చేనేత కుటుంబాలకు ఆర్థిక భరోసా కల్పించేందుకు ప్రభుత్వం 'నేతన్న సేవలో' పథకాన్ని ప్రారంభించనుంది. 12వ జాతీయ చేనేత దినోత్సవాన్ని పురస్కరించుకుని శుక్రవారం చీరాల పర్యటనలో సీఎం నారా చంద్రబాబు నాయుడు ఈ పథకాన్ని ప్రారంభించి లబ్ధిదారుల ఖాతాల్లో నిధులు జమ చేయనున్నారు
పిఠాపురం నియోజకవర్గంలో ఉప ముఖ్యమంత్రి పవన్ కళ్యాణ్ చొరవతో రూ.207 కోట్ల వ్యయంతో 307 కిలోమీటర్ల రహదారుల అభివృద్ధి జరుగుతోంది. ఇప్పటికే 611 రోడ్లు పూర్తవగా, మరో 70 పనులు కొనసాగుతున్నాయి. గ్రామీణ మౌలిక వసతుల బలోపేతానికి ప్రభుత్వం ప్రత్యేక చర్యలు చేపట్టింది.
ఏలూరు ప్రభుత్వ డిగ్రీ కళాశాలకు శాశ్వత భవనాల నిర్మాణానికి ఏపీ ప్రభుత్వం రూ.12.60 కోట్ల నిధులు మంజూరు చేసింది. ఈ నిధుల మంజూరులో ఉప ముఖ్యమంత్రి పవన్ కళ్యాణ్ చొరవ కీలక పాత్ర పోషించినట్లు అధికార వర్గాలు తెలిపాయి.
రాష్ట్ర ఆర్థిక వ్యవస్థను రెండేళ్లలో గాడిలో పెట్టడంతో పాటు అభివృద్ధి, సంక్షేమాన్ని సమన్వయం చేస్తూ ముందుకు సాగుతున్నామని ఏపీ సీఎం చంద్రబాబు తెలిపారు. గత ప్రభుత్వం కారణంగా దెబ్బతిన్న ఆర్థిక వ్యవస్థను పునరుద్ధరించేందుకు తీసుకున్న చర్యల ఫలితాలు ఇప్పుడు కనిపిస్తున్నాయని చెప్పారు
భోగాపురం అంతర్జాతీయ విమానాశ్రయం ప్రారంభోత్సవంలో సీఎం చంద్రబాబు నాయుడు ప్రధాని నరేంద్ర మోదీపై ప్రశంసలు కురిపించారు. కష్టాల్లో ఉన్న ఆంధ్రప్రదేశ్‌కు మోదీ ఆక్సిజన్‌లా నిలిచారని, అమరావతి, పోలవరం, విశాఖ ఉక్కు, రైల్వే జోన్ వంటి కీలక అంశాల్లో కేంద్రం అండగా నిలిచిందన్నారు.
భోగాపురం అంతర్జాతీయ విమానాశ్రయం ప్రారంభోత్సవంలో ప్రధాని నరేంద్ర మోదీ ఆంధ్రప్రదేశ్‌కు రూ.18 వేల కోట్ల అభివృద్ధి ప్రాజెక్టులను ప్రారంభించారు. సీఎం చంద్రబాబు విజన్‌కు భోగాపురం ఎయిర్‌పోర్ట్ నిదర్శనమని ప్రశంసించారు.
భోగాపురం అంతర్జాతీయ విమానాశ్రయం ప్రారంభోత్సవంలో డిప్యూటీ సీఎం పవన్ కల్యాణ్ ప్రధాని నరేంద్ర మోదీ నాయకత్వాన్ని ప్రశంసించారు. 140 కోట్ల మంది ప్రజల ఆకాంక్షలను మోదీ నెరవేరుస్తున్నారని, దేశాన్ని వికసిత్‌ భారత్‌ దిశగా తీసుకెళ్తున్నారని పేర్కొన్నారు. ఉత్తరాంధ్ర అభివృద్ధికి భోగాపురం ఎయిర్‌పోర్ట్ కొత్త అధ్యాయమని అన్నారు.
భోగాపురంలోని అల్లూరి సీతారామరాజు అంతర్జాతీయ విమానాశ్రయం కేవలం విమానాలు దిగే, ఎగిరే కేంద్రం కాదు. ఇది పర్యాటకం, పారిశ్రామికాభివృద్ధి, ఎగుమతులు, ఉపాధి, అంతర్జాతీయ పెట్టుబడులకు కొత్త ద్వారంగా మారబోతోంది. మరి ఈ ఎయిర్‌పోర్టు ఎందుకంత ప్రత్యేకం? దేశంలో దీనికి ఉన్న ప్రత్యేకతలేంటి?
హస్తకళాకారుల చేతుల్లో కళ చిరకాలం నిలవాలంటే వారి కళ్ల ఆరోగ్యం అత్యంత కీలకమనే భావనతో ఏపీ ఉప ముఖ్యమంత్రి పవన్ కళ్యాణ్ ఆదేశాల మేరకు రాష్ట్రవ్యాప్తంగా ఉచిత నేత్ర వైద్య శిబిరాలు నిర్వహిస్తున్నారు. ఈ కార్యక్రమంలో భాగంగా పశ్చిమగోదావరి జిల్లా అత్తిలిలో నిర్వహించిన ఉచిత వైద్య శిబిరంలో 143 మంది లేస్, నేత కళాకారులకు కంటి పరీక్షలు నిర్వహించగా, 15 మందికి క్యాటరాక్ట్ శస్త్రచికిత్స అవసరమని వైద్యులు గుర్తించారు.
వన్యప్రాణుల సంరక్షణ, అటవీ పరిరక్షణలో విశిష్ట సేవలు అందించిన ఆంధ్రప్రదేశ్ అటవీ శాఖకు జాతీయ స్థాయిలో మరో అరుదైన గౌరవం దక్కింది. నేషనల్ టైగర్ కన్జర్వేషన్ అథారిటీ (NTCA) ప్రకటించిన ప్రతిష్ఠాత్మక అవార్డులను ఫారెస్ట్ బీట్ అధికారులు ఎస్. ఇస్మాయిల్, జి. సుధాకరరావు అందుకున్నారు. ఈ సందర్భంగా ఏపీ ఉప ముఖ్యమంత్రి పవన్ కల్యాణ్ ఇద్దరు అధికారులతో పాటు మొత్తం అటవీ శాఖను అభినందించారు.
ఆంధ్రప్రదేశ్ ఇప్పుడు గ్లోబల్ ఇన్వెస్టర్ల తొలి ఎంపికగా మారిందని విద్య, ఐటీ, ఎలక్ట్రానిక్స్ శాఖల మంత్రి నారా లోకేష్ అన్నారు. కర్నూలు జిల్లా పత్తికొండ సమీపంలోని హోసూరులో టాటా పవర్ రెన్యూవబుల్ ఎనర్జీ లిమిటెడ్ ఆధ్వర్యంలో రూ.5,750 కోట్ల వ్యయంతో నిర్మించనున్న 800 మెగావాట్ల హైబ్రిడ్ క్లీన్ ఎనర్జీ ప్రాజెక్టుకు శంకుస్థాపన చేసిన ఆయన, రాష్ట్రాన్ని స్వచ్ఛ ఇంధన రంగంలో ప్రపంచ స్థాయి హబ్‌గా తీర్చిదిద్దడమే ప్రభుత్వ లక్ష్యమని తెలిపారు.
రాయలసీమను దేశంలోనే ప్రముఖ రెన్యూవబుల్ ఎనర్జీ హబ్‌గా తీర్చిదిద్దే దిశగా మరో కీలక అడుగు పడింది. కర్నూలు జిల్లా పత్తికొండలో టాటా పవర్ రెన్యూవబుల్ ఎనర్జీ, సుజ్లాన్ సంస్థల ఆధ్వర్యంలో రూ.5,750 కోట్ల పెట్టుబడితో ఏర్పాటు కానున్న 800 మెగావాట్ల సోలార్, విండ్ పవర్ ప్రాజెక్టులకు మంత్రి నారా లోకేష్ శంకుస్థాపన చేశారు.
సింగరేణి అనుబంధ సంస్థ ఆప్మెల్ (APHMEL) స్వర్ణోత్సవ సంవత్సరంలో మరో కీలక ముందడుగు వేసింది. విజయవాడలోని ప్లాంట్‌లో ఏర్పాటు చేసిన 300 కిలోవాట్ల సౌర విద్యుత్ ప్లాంట్‌ను సింగరేణి సీఎండీ డాక్టర్ బుద్దప్రకాశ్ జ్యోతి వర్చువల్‌గా ప్రారంభించారు. ఈ ప్లాంట్ ద్వారా ఏటా సుమారు రూ.24 లక్షల విద్యుత్ ఖర్చు ఆదా కానుండగా, సంస్థ ఈ ఏడాది రూ.23.33 కోట్ల రికార్డు స్థాయి నికర లాభాన్ని నమోదు చేయడం విశేషంగా నిలిచింది.
పొగాకు రైతులను ఆదుకునేందుకు కేంద్ర, రాష్ట్ర ప్రభుత్వాలు సంయుక్తంగా కీలక నిర్ణయాలు తీసుకున్నాయి. ధరల లోటు భర్తీ కింద కిలో పొగాకుకు రూ.20 చెల్లించడంతో పాటు, 94 మిలియన్ కేజీల పొగాకు కొనుగోళ్లకు మద్దతు ఇవ్వాలని నిర్ణయించినట్లు ఏపీ ముఖ్యమంత్రి నారా చంద్రబాబు నాయుడు తెలిపారు.
ఏపీలోని కర్నూలు జిల్లా ఆలూరు నియోజకవర్గంలోని ఆస్పరి ప్రాథమిక ఆరోగ్య కేంద్రాన్ని ముఖ్యమంత్రి నారా చంద్రబాబు నాయుడు సందర్శించారు. సంజీవని ప్రాజెక్టు అమలు తీరును పరిశీలించిన ఆయన, డిజిటల్ సాంకేతికతతో ప్రజలకు అందుతున్న ఆరోగ్య సేవలపై వైద్యాధికారులతో సమీక్ష నిర్వహించారు.
ఆంధ్రప్రదేశ్‌లో భూ రికార్డుల నిర్వహణను మరింత పారదర్శకంగా, సురక్షితంగా మార్చేందుకు ప్రభుత్వం 'మీభూమి–బ్లాక్‌చెయిన్' పైలట్ ప్రాజెక్టును ప్రారంభించనుంది. ఈ ప్రాజెక్టును ముఖ్యమంత్రి నారా చంద్రబాబు నాయుడు గురువారం వర్చువల్‌గా ప్రారంభించనున్నారు.
ఆంధ్రప్రదేశ్‌లో ప్రతిష్టాత్మకంగా నిర్మితమవుతున్న భోగాపురం అంతర్జాతీయ విమానాశ్రయం ప్రారంభోత్సవానికి ప్రధాని నరేంద్ర మోదీ హాజరుకానున్నారు. ఆగస్టు 1న ఆయన ఏపీ పర్యటనకు రానున్నట్లు అధికార వర్గాలు తెలిపాయి.